An Pryns ha’n Bohosak

Mark Twain

Cudhlen a'n kensa dyllans

Chaptra 1

Genesygeth an Pryns ha’n Bohosak

Kernowek © 2025 Ian Jackson

Yma Gerva awoles

I’n cyta auncyent Loundres, neb certan dëdh a gynnyaf i’n secùnd qwartron a’n whêtegves cansvledhen, mab a veu genys dhe vêny bohosak, cries Canty, ha’n mab-ma whensys gansans nyns o. An keth dëdh y feu ken mab genys dhe vêny rych, cries Tudor, ha’n mab-na whensys gansans heb mar. Oll Englond a’n whansa. Englond a’n yêwnys ev in kemmys govenek, ow pesy orth Duw, mayth o an bobel ogas muscok rag joy a’n mab pàn deuth defry. Y fynna tus, stranjers kyn fe, amma ha byrla an eyl gans y gela, hag ola warbarth. Pùb huny a gemeras degolyow, ha debry kenwes, ha cana, ha dauncya, tus vryntyn ha tus isel, tus rych ha tus vohosak, oll medhelhës yn tâ; ha hemma duryes lower dëdh, lower nos. Dëdhweyth, Loundres o wondrys hy syght, ha banerow gay a neyja wàr bùb balcon, orth pùb tâl chy, ha pajons splann a geskerdhy. Nosweyth, yth o arta wondrys hy syght, ha tansys brâs orth cornel pùb strêt, ha gôlyoryon i’ga herhyn in lies lu. Nyns esa cows vÿth in oll Englond marnas a’n flogh bian nowyth, Edward Tudor, Pryns Kembra, mailys in owrlyn ha satyn in y lesk, heb convedhes oll an fros, heb godhvos y vos gwithys ha cheryes gans arlydhy hag arlodhesow fin – heb gul fors a’n feth, naneyl. Saw nyns esa cows vÿth a’n flogh aral, Tom Canty, mailys in y gloutys truan, marnas in mesk an mêny a vohosogyon may feu devedhys rag trobla der y vosva.

GERVA –  GLOSSARY

Definitions have generally been confined to those relevant for the story. To keep the glossary to a manageable length the listing excludes the most common words. These are best looked up in Gerlyver Kescows (Ian Jackson).

On-line at https://www.skeulantavas.com/vocabulary/gerlyver-kescows-2nd-edition

If you need grammar, by far the most helpful book is Desky Kernowek (Nicholas Williams, Evertype 2012).

The system of notation in the following list is the same as in Gerlyver Kescows 2nd edition.

bosva f existence

dëdhweyth adv by day

fros m fuss

gôlyor m gôlyoryon merry-maker

lu m luyow troop

nosweyth adv by night

pajont m pajons pageant

satyn m satin

tâl chy m tâlyow housetop

wondrys adj wondrous