Lorna Doone

Lymnans: Andreas Trepte, www.photo-natur.net

IN POW BLACKMORE

Bardhonak oryjynal gans Ian Jackson

Screfys in Eglos Maria an Werhes, Oare, Gwlas an Hâv, mis Gorefen 2017

Inspîrys gans an novel Lorna Doone (R.D. Blackmore)

Yma Gerva awoles

Oll hunek yw eglos an Werhes in Oare:

A’n brias ha’y frias scant nyns on ny war,

Erna vo gedlyver ow try dh’agan cov

Hy thecter ha’y nas o dhe Jowan pòr dhov.

In godn an Kervyor hy thenkys ny veu:

Yw whedhel romantek gorfednys ha deu?

A’y groweth i’n gorflan nyns usy hy màn,

Saw bew agan colon â lyftys in bàn.

Ogh Lorna, yth esta jy stella i’n grug,

Ha’n kernwhyly ’wartha ow cana orth crug;

Dha valy kevrînek, ow turya y hus,

Peryllys pùb sorn der an rûthow a dus.

Delît in merhygow, cosoleth ryb dowr;

Wàr dresow i’n eythyn a dheves ’ma lowr.

Tremenys kyn fe hager-deylu tnow Doone,

Diogel yw mowes – le hedorr ès gûn.

(Kensa dyllans in An Gowsva Trogh 59)

GERVA – GLOSSARY

Definitions have generally been confined to those relevant for the story. To keep the glossary to a manageable length the listing excludes the most common words. These are best looked up in Gerlyver Kescows (Ian Jackson).

On-line at https://www.skeulantavas.com/vocabulary/gerlyver-kescows-2nd-edition

If you need grammar, by far the most helpful book is Desky Kernowek (Nicholas Williams, Evertype 2012).

cornwhylas f kernwhyly green plover, lapwing, peewit

deu adj ended, spent

hunek adj sleepy

kervyor m kervyoryon carver

tnow m tenwyn valley

tres m tresow track