Domynôs


Gwary dhe dhew bys peswar gwarior


Oll eth domynô warn ugans yw gorrys fâss dhe’n bord ha kemyskys. Yma pùb gwarior ow kemeres udn domynô whym-whàm. An gwarior a gemeras an uhella valew fâss, yma hedna ow tallath an gwary. Gwra gorra oll an domynôs fâss dhe’n bord ha kemysky unweyth arta. Yma pùb gwarior ow kemeres pymp domynô (dalathor an gwary kyns oll). Res yw dhe bùbonen surhe valew y dhomynôs na vo hewel. An remnant a’n domynôs yw gwethys fâss dhe’n bord i’n ‘creun’.

Yma dalathor an gwary ow tôwys onen a’y dhomynôs ha’y worra, fâss wàr vàn, in cres an bord. Res yw dhe’n nessa gwarior parya an valew a’n eyl pedn pò y gela dhe’n domynôs gorrys solabrës. Yma hebma ow pêsya orth pùb gwarior. Domynô dewblek yw gorrys elyn pedrak, ha’n gwary ow pêsya a’y wosa dhyworth an eyl pedn pò y gela dhe’n domynô dewblek pò i’n ewn fordh. Gorra domynô yw res porres mar kyll gwarior y wil. Mar ny yll parya màn, res yw dhodho kemeres domynô in mes a’n creun ha kelly y dro.

An gwainyor yw an kensa gwarior dell usy ow corra oll y dhomynôs. Mar ny yll gwarior vëth gorra oll y dhomynôs ha nyns eus domynô vëth i’n creun naneyl, an gwainyor yw an gwarior ha’n biadnha valew dhodho whath.