Unn nos neb den a gafas hunros. Ev a wrug hunrosa y vos ow kerdhes an treth ahës gans an ARLÙTH. Ow luhesy dres an ebron yth esa golok wàr lies prÿjweyth a’y vêwnans. Rag pùb prÿjweyth, ev a welas dew set olow treys i’n treth: an eyl ow longya dhodho ev, ha’y gela dhe’n ARLÙTH.
An dewetha golok pàn luhesas aragtho, ev a wrug meras wàr dhelergh orth oll an olow i’n treth. Ev a welas lower termyn wàr hens y vêwnans nag esa ma’s unn set olow. Ev a welas kefrës henna dell wharva i’n very prejyow iselha ha moyha trist a’y vêwnans.
Yth o va pòr ancombrys rag hemma hag ev ow whythra an dra orth an ARLÙTH. “Pàn wrug vy ervira dha holya, ARLÙTH, ty a leverys y fynnys kerdhes oll an fordh genef. Saw my a wel i’n prejyow moyha troblys a’m bêwnans nag eus ma’s unn set olow. Nyns esof owth ùnderstondya prag y whrussys ow forsâkya vy pesqweyth may feu an brâssa otham ahanas.”
An ARLÙTH a worthebys: “A flogh cuv colon, my a’th car ha ny vannaf dha forsâkya nefra. I’n termyn a'th sùffrans ha'th temptacyon, le na welyth ma’s unn set olow, i'n prejyow-na yth esen orth dha dhegy jy.”
Auctour ùncoth