Yêth an Weryn


QWESTYONOW VAS IN METYANS YÊTH AN WERYN

 

OMVETYA

Owgh why devedhys rag Yêth an Weryn?

Pëth yw agas hanow?

Ple whreth esedha?

Yw gwell genes esedha ryb dalathoryon erel, pò mesk re a gôws moy frosek?

Osta yagh?

Osta sawyes warlergh dha gleves agensow?

Pana nowodhow eus genes?


COFFY HA TÊ

A garses eva nampyth? [Gas vy dh’y gerhes dhys.]

A wres eva coffy, te po dowr?

Yw coffy dhe gafos heb cafîn?

Yw te losowek dhe gafos?

A gemerta tesen gales ha’th tewas warbarth? Py par?

A vynta kemeres hanaf moy?


GWARY

A wrêta gwary nampyth?

Yw cartednow gwell genes, po gwary bord?

Eus copy a’n rêwlys genen?

Pyw a vydn gwary warbarth?

Eus tyller obma rag gorra oll an daffar?

Yw gwell genes sy meras orthyn, heb bos gwarior?


DESKY KERNOWEK

Pes termyn yth esta ow tesky Kernowek?

Ple ma dha glass Kernowek ow wharvos?

Pyw yw dha dhescador? Pò osta omdhyscor martesen?

Pygebmys tus eus i’th class?

Py lyver esta owth ûsya i’th class?

Prag y whrussys ervira desky Kernowek?

A gefyth bos desky Kernowek ober êsy?

Pëth yw an dewetha tra a wrusta desky i’th class Kernowek?

Pëth yw an dra moyha cales i’n Kernowek, dhe’th vreus jy?

Esta ow studhya rag gwil apposyans?

Esta ow tesky Kernowek dhe re erel?


AN GEMENETH KERNOWEK

Esta ow tos dhe Yêth an Weryn obma pùb treveth?

Esta ow mos dhe Yêth an Weryn in ken tyller kefrës?

Pana spâss aral a’th eus rag côwsel Kernowek?

Osta esel i’n Gowethas? In Agan Tavas? I’n Gùssul?

Pandr’usy an Gowethas / Agan Tavas / an Gùssul ow qwil yn tâ, dhe’th wolok?

Dhe’th vreus, pandra yll an Gowethas / Agan Tavas / an Gùssul gwil dhe well?

A wrusta screfa artykyl Kernowek in An Gowsva / An Gannas pò neb plâss aral?

Êth jy traweythyow dhe’n Gowsva in Crestir? Pàn argraf eus dhis anedhy?

Dhe’th vreus, pana weythresow a dal ry bleynorieth dhedha rag scodhya Kernowek?

 

ASWON AN EYL Y GELA DHE WELL

Pleth esta tregys?

An drigva-na, yw hy dâ genes?

Pana bellder yth esta tregys ena?

Esta tregys in Kernow oll dha vêwnans?

Pleth eses tregys kyns ès dos dhe Gernow?

Pandr’yw dha lavur pùb jorna? Esta ow lavurya rag ken onen, pò osta honen-arfedhys?

Peur whrusta omdedna? Pandr’o dha alwans kyns omdedna?

Eus flehes genes?

Esta ow redya lyvrow in Kernowek?

Pandr’yw dha lyver moyha kerys in Kernowek? Praga? Yw hedna gweyth gwredhek pò trailyans? Pyw a’n screfas / trailyas?

A wosta tavosow erel, adar Sowsnek ha Kernowek?

Esta ow viajya i’n Vreten Veur pò tramor yn fenowgh? Pleth êthys adhewedhes?

Pana daclow erel eus dhis a les?


OPYNYON

Pàn opynyon a’th eus a ...?

Pandr’yw dha stauns dha honen in y gever / in hy hever?

Usy hedna / hodna ow plegya dhis?

Fatell yll an savla bos gwellhës?

Yw an plit dhe jaunjya, dell dybyth?

Pandra venses chaunjya i’n dra mara calles?

A vëdh gwell côwsel a nampyth ken martesen?