Pandra wrussys gwil?


A playlet for use with Skeul an Tavas Lesson 17

© 2019 Ray Chubb and Ian Jackson

2nd edition July 2020

This playlet appears on pages 76-77 of the coursebook Skeul an Tavas © 2010 Ray Chubb. Here the language has been adapted.


LOWENA

Pandra wrussys gwil dres pedn seythen Cala’ Mê, Jory?

JORY

Wèl, me ha tas a wrug mos dhe Wydhyan rag pyskessa. Y whrussyn ny skydnya dhe woles an âls ha’gan gwelyny pyskessa genen ha ny a wrug pyskessa dres dew our.

LOWENA

A wrussowgh why cachya neptra?

JORY

Gwrussyn, y whrussyn cachya dew brithel hag udn yawn. Y whrussyn eskyna i’n carr termyn cot kyns morlanow. Ena, y whrussyn mos tre dhe vabm hag y whrug vy leverel: “Ot obma pùscas dhis. Y hyllyn debry an pùscas rag soper.” Lowen o mabm, nyns o res dhedhy prena pytsa in agan gwerthjy. Pandra wrussys jy gwil dres pedn an seythen, Lowena?

LOWENA

Ô, y whrug vy marhogeth wàr geyn merhyk, eus dhe gowethes dhybm.

JORY

A wosta jy marhogeth? Nyns esen vy ow codhvos hedna!

LOWENA

Ô, gòn. Me a wor marhogeth yn tâ.

JORY

Yw marhogeth cales?

LOWENA

Res yw spêna termyn hir ow tesky pùptra. Res yw dhis desky fatla wrêta settya an dyber ha’n hernes i’n tyller ewn kyns oll, ha wosa hedna res yw desky kerdhes gans an margh.

JORY

Yw merhyk dha gowethes dov?

LOWENA

Yw, ev yw mar dhov avell colyn ha dâ in daromres.

JORY

Esta ow mos dhe glùb, Lowena?

LOWENA

Nag esof. Esta jy?

JORY

Esof, yth esof vy ow mos dhe’n clùb gwëdhpoll. Sensys hedhyw yth yw.

LOWENA

Esta ow qwary yn tâ, Jory?

JORY

Ô, yth esof ow qwary dâ lowr. Y whrug vy fetha ow descador. Cowlardak in deg môvyans.

LOWENA

Yma ow thas ow cara gwary gwëdhpoll. Cowlardak in deg môvyans, pòr dhâ! Hay Jory! Ot obma barr choclet dhis.

JORY

Ô, meur ras dhis, Lowena. Ot obma an kyttryn ragon lebmyn.


Note me ha tas for ‘father and I’. The English rule that ‘I’ may not come first in such a phrase does not apply in Cornish.

Gòn, gosta, gor are inflected present tense forms of godhvos. This verb means both ‘know’ and ‘know how to’.


Extra vocabulary

eskyna in get into (a vehicle)

eus dhe gowethes dhybm that belongs to a friend of mine

nyns esen vy ow codhvos I did not know